la microéconomie

السلام عليكم و رحمة الله و بركاته .معكم الاستاذ كريم في هذ الدرس البسيط لي غادي نعطيكم فيه فكرة على مادة Microéconomie او الاقتصاد الجزئي.

اولا تنعرفو بلي العالم تيعرف قلة في الانتاج و ندرة الخيرات يعني المنتوجات قليلة بالمقارنة مع الحاجيات الكثيرة ديال السكان مثال على ذلك كنلقاو في بعض دول العالم حاجيات سكان كثيرة جدا و لكن الانتاج المتوفر قليل و غير كافي باش يلبي جميع هذه الحاجيات لذا جاء علم الاقتصاد باش يلقى لنا حل هذ المشاكل ديال قلة الانتاج و كثرة حاجيات سكان و يلقى لنا طريقة باش تكون موازنة بين الانتاج و الحاجيات.

من هنا جاء العالم الاقتصادي رايموند بار R.Barre  بتعريف للعلم الاقتصاد تيقول فيه  " الاقتصاد هو علم ادارة الموارد النادرة من اجل تلبية الحاجيات غير المحدودة " من هذ التعريف كيتبين لنا ان هذف علم الاقتصاد هو معاجلة هذ التفاوة بين الخيرات  les biens و الحاجيات les besoins يعني ان علم الاقتصاد تيعالج هذه المشاكل و تيقلب لنا على الطريقة باش نلقاو حلول لها يعني  توازن equilibre بين الخيرات و الحاجيات . لأننا كمستهلكين consommateurs عندنا حاجيات بزاف بغينا هادي و هادي... ولكن تيواجهنا عدة اكراهات contraintes بحال الدخل  revenu ديالنا او اثمنة السلع او قلة السلع... يعني حاجيات بزاف عندنا لكن صعيب باش نقدرو نحقوا التوازن ديالنا لي هو اشباع جميع الحاجيات . الحل هنا جابو علم الاقتصاد لي هدف ديالو هو يساعدنا باش نلبيو حاجياتنا بالانتاج المتوفر رغم الاكراهات لي عندنا.

لكن سؤال لي كيطرح كيفاش ممكن علم الاقتصاد يحقق لنا الموازنة بين الانتاج و الحاجيات؟

جواب هو التحليل الاقتصادي لي بفضل ديال غادي نتمكنو من تحليل الظواهر و السلوكات الاقتصادية   ايجاد الموازنة لي تنقلبوا عليها

التحليل الاقتصادي فيه نوعين : 1 الاقتصاد الكلي Macroéconomoe  لي تيعالج الظواهر الاقتصادية الكلية يعني تيدرس الاقتصاد بصفة كلية اي اقتصاد بلد ككل يعني تندرس الاقتصاد باش نقدرو نحقوا الموازنة لي تنقلبوا عليها

2 الاقتصاد الجزئي Microéconomie لي تيعالج الظواهر الاقتصادية الحزئية يعني تيدرس السلوكات الفردية لي هي الاستهلاك  consommation و الانتاج production اي اننا تندرسو في Microeconomie فرد واحد و الهدف من هذ التحليل او الدراسة هي كيفاش يمكن لهذ الفرد سواء كان منتج او مستهلك يحقق الموازنة و اشباع حاجياته رغم الاكراهات لي كاينة مثال كيفاش يمكن للمنتج يحقق اقصى ربح ممكن رغم قلة الميزانية budget و رغم ارتفاع التكاليف les coûts و بالنسبة للمستهلك كيفاش يمكن يحقق الاشباع  satisfaction رغم اكراهات الدخل و الاثمنة المرتفعة. من هنا يمكن نفهوا شنو الهذف من microéconomie و علاش غادي نقراوه و هذه المادة هي مادة تطبيقية بامتياز يعني هذ التحليل سيكون على شكل عمليات حسابية و معادلات و ايضا مبيانات....

نتمنى انكم فهمتو هذ الشرح البسيط لي هو مدخل باش تفهمو هذه الماة الجديدة عليكم و انا الاستاذ كريم كنقدم لكم كل الدعم باش ممكن تفهموا هذه المادة بكل تفاصيلها ان شاء مع الشق النظري و ايضا التطبيقي . ان شاء سوف انشر لكم شروحات لهذه المادة و تلاخيص لها و ايضا سلاسل تمارين و نمادج امتحانات و يضا كاين شرح لجميع تفاصيل هذه المادة في قناتي على اليوتيوب karim Economiste .

كان معكم الاستاذ كريم.