inflation

مصطلح اليوم هو التضخم L'inflation

هذا المصطلح ديال التضخم كنسمعوه بزاف و كاين لي مفاهمش المعنى ديالو. كاين لي تيسمع كلمة التضخم كيظن بانه كيعني ان كاين انتاج production ضخم او تضخم في الانتاج هذا لي كيحاول يفهم المعنى الحرفي.

لكن كلمة تضخم عندها معنى اخر . التضخم كيعني الارتفاع الدائم و المتواصل للمستوى العام للأسعارprix  يعني من تضخم كيكون في واحد البلد تيكون ارتفاع في الاسعار يعني جميع السلع biend و الخدماتservices  كيرتفع سعر ديالها.

هناك عدة أسباب للتضخم منها ارتفاع الطلب la demande على السلع و الخدمات مما كيسبب ارتفاع الثمن . و يضا ممكن ارتفاع تكاليفles coûts  انتاج السلع و الخدمات تسبب ارتفاع اﻻسعار لأن المنتج من كترتفع تكلفة الانتاج تيكون مرغم يزيد في اﻻسعار

و كاين سبب أخر لي أهم سبب في التضخم لي هو هبوط قيمة سعر صرف العملة la monnaie المحلية لأنه من تيكون واحد البلد عملة ديالو ضعيفة تيسبب في ارتفاع اﻻسعار بعبارة أخر لي كيسبب هبوط قيمة العمل هو ازدياد كمية النقود لي كدور في البلاد يعني راه من كتكون فلوس كثيرة في البلاد بدون احترام معايير الصرف الدولية كتسبب التضخم يعني فلوس واخا موجودة لكن معندها حتى قيمة باش تفهمو كثر نعطيكم مثال بالمغرب .

نفترض ان في واحد الوقت t0 كان 1 اورو = 10 دراهم في هذ الوقت كنتي كتشري خبزة بدرهم واحد .

في واحد الوقت t1 البنك المركزي المغربي بنك المغرب نفترض انه زاد في كمية ديال الفلوس لي كدور في البلاد بدون احترام المعايير ديال سعر الصرف يعني هدشي سبب لنا ان 1 اورو = 20 درهم اذن راه درهم هبطت قيمتو اذن نتيجة هي ان الخبزة الثمن ديالها غادي تزيد و تكون 2 دراهم بلاصت 1 درهم . اذن هذا هو التضخم

كان معكم الاستاذ كريم في هذ الشرح البسيط لظاهرة التضخم ليكتعد من اخطر الظواهر الاقتصادية لتيعرفها العالم و لي كتسبب انخفاض القدرة الشرائية للسكان و ضعف النشاط الاقتصادي.

نتمنى انكم فهمتو هذ الشرح و الى اللقاء في مصطلح جديد.